NI SIKU MOJA IMEPITA YAN JUNE 26 TANGIA MARC VIVIAN FOE ALIONDOKA UWANJANI NA KUFARIKI DUNIA

Siku ya 26 June 2003, mchezaji nguli wa Cameroon ambaye aliwahi kuchezea mabingwa wa EPL 2011/2012, Manchester City, Marc Vivien Foe alidondoka uwanjani na kufariki dunia dakika ya 72 ya mchezo wakati wa mechi ya nusu fainali kombe la mabara dhidi ya Colombia katika uwanja wa Stade de Gerland mjini Lyon, Ufaransa.

Awali kuna walioshauri Kombe la Mabara na Uwanja wa Stade de Gerland viitwe jina lake, na huku kocha wa zamani wa Man City, Kelvin Keegan akitangaza kwamba jezi namba 23 haitatumika tena klabuni hapo. Katika uwanja wa Man City, kuna jiwe la kumbukumbu yake kama inavyoonekana ktk picha. Klabu yake ya kwanza, Lens imeupa jina lake uwanja ambao uko karibu na uwanja wa Félix Bollaert Stadium, ambapo na wao wakaamua kuifuta jezi namba 17 aliyoitumia kipindi cha miaka mitano akiwa klabuni hapo.

Klabu yake nyingine, Olympic Lyon nayo ikafuta kutumika jezi namba 17 aliyokuwa akiitumia. Hata hivyo jezi hiyo ilikuwa inatumika mCameroon mwenzake Jean II Makoun alipohamia Lyon kabla ya kifo cha Foe, hivyo yeye atakuwa wa mwisho kuvaa jezi hiyo. Katika fainali ya kombe la mabara mwaka 2009 kati ya USA na Brazil, mtoto wake wa kiume wakiwa na miaka 14 wakati huo alisoma ujumbe mfupi wa kumbukumbu ya baba yake.

MUNGU AMPUMZISHE KWA AMANI